Ժամանակակից Հայաստանի ներքաղաքական իրավիճակի հիմնական առանձնահատկությունը դրա անկայունությունն է: Այս մասին հուլիսի 17-ին «Ուղեղի փոթորիկ. Հետընտրական Հայաստանը իրողություններն եւ սպասելիքները» թեմայով քննարկման ժամանակ ասաց սոցիոլոգիական գիտությունների թեկնածու Սամվել Մանուկյանը:
Այդ անկայունությունը, նրա խոսքով, պայմանավորված է չորս հիմնական գործոններով:
«Խորհրդարանական մեծամասնության եւ ընդդիմության միջեւ անհաղթահարելի խզում կա: Այսօր անվստահությունը Հայաստանի եւ Ռուսաստանի քաղաքական էլիտաների միջեւ պահպանվում է:
Հայաստանում բոլոր քաղաքական ուժերն այսօր գիտակցում են երկրի ինքնիշխանության ցածր մակարդակը: Ընդ որում, նրանց զգալի մասի իրական գործողությունները մեծացնում են Հայաստանի նկատմամբ անվստահությունը ռուսական էլիտաների շրջանում:
Առնվազն 2-3 տարի է պետք մարտունակ եւ ժամանակակից հայկական բանակի վերականգնման համար»,- ասաց նա:
Ինչ վերաբերում է տնտեսությանը, ապա գործազրկության մակարդակը շարունակում է մնալ շատ բարձր՝ 18 տոկոս: «Բացի այդ, վերջին 5 տարվա ընթացքում ընդհանուր ցանված տարածքները, համախառն բերքը եւ հիմնական գյուղատնտեսական մշակաբույսերի բերքը նվազում են: Բոլոր ցուցանիշների կրճատումը 25-70 տոկոսի սահմաններում է: Ուստի զգալի հավանականություն կա, որ սննդի հիմնական տեսակների պակասի հետ կապված իրավիճակը կվատթարանա»,- եզրափակեց Մանուկյանը:
