Ներկայացնելով Եվրասիական փորձագիտական ակումբի ամենամյա՝ 7-րդ տնտեսական հետազոտությունը Հայաստանի տնտեսական իրավիճակի մասին՝ ԵԱՏՄ-ին անդամակցության համատեքստում` տնտեսագիտության դոկտոր, պրոֆեսոր ԱՇՈՏ ԹԱՎԱԴՅԱՆՆ ընդգծեց, որ տնտեսական աճի կառուցվածքի առումով լուրջ խնդիրներ ունենք, քանի որ աճը գրանցվել է առեւտրի, ծառայությունների ոլորտների շնորհիվ, իսկ արդյունաբերության աճը երեք տոկոս է ընդամենը կազմում:
Տնտեսագետն ընդգծեց, որ ՀՆԱ-ում արտահանման հարաբերակցությունը մոտ 20 տոկոս է կազմում, մինչդեռ 1,5 անգամ ավելի պետք է լինի: Այդ ցուցանիշն այս տարի կազմել է 2,7 միլիարդ, բայց անպայման պետք է 5 միլիարդի ցուցանիշին մոտենանք, որ հիմնական զարգացման հնարավորությունն ընդգծվի:
Թավադյանի գնահատամամբ` Հայաստանի տնտեսության վրա դրական ազդեցություն ունեցել է 2019-ի համեմատ ՌԴ տնտեսության լիարժեք վերականգնումը: Տոկոսային առումով, ըստ նրա, ԵԱՏՄ-ն մեծ դեր է ունեցել մեր տնտեսության զարգացման համար եւ եթե հինգ տարի առաջվա համեմատ արտահանումը ԵԱՏՄ ուղղությամբ 400 միլիոնից դարձել է 800 միլիոն՝ 22 տոկոսի փոխարեն՝ 30 տոկոս, ապա ԵՄ-ի ցուցանիշները նույնն են մնացել: Սակայն, պրոֆեսորի կարծիքով` տնտեսական զարգացման հիմնական խոչընդոտ շարունակում է մնալ կառավարման լղոզված համակարգը, ճանապարհների եւ արտահանման առաջնահերթությունների անհստակությունը:
ՀՐԱՆՏ ՍԱՐԱՖՅԱՆ
