Չէի ասի, թե խորհրդարանական ընտրությունների արդյունքները անսպասելի էին. լրագրողների հետ զրույցում այս մասին ասաց քաղտեխնոլոգ Վիգեն Հակոբյանը: Նա նշեց, որ «Ծառուկյան» դաշինքն, ըստ էության, ստացավ Հայաստանում ընդդիմադիր էլեկտրորատի ձայների մի մասը, ինչի արդյունքում մնացած ընդդիմադիր ուժերը չստացան անցողիկ ձայներ:
Ինչ վերաբերում է «Ելք» դաշինքին, ապա Վիգեն Հակոբյանն ասաց, թե նրանք բավական ակտիվ, հաջող նախընտրական քարոզարշավ անցկացրին, ուստի անակնկալ չէր, որ հաջորդ խորհրդարանում կլինեն 3-րդ խոշոր ուժը:
Խոսելով ՀՅԴ մասին՝ Վիգեն Հակոբյանը հիշեցրեց, որ Դաշնակցությունը իշխող ՀՀԿ-ի հետ ունի քաղաքական համագործակցության հուշագիր: «Փաստորեն, կարող ենք փաստել, որ իշխող ՀՀԿ-ն ցանկության դեպքում կկարողանա մեծամասնություն կազմել հաջորդ խորհրդարանում և միաձնյա ձևավորել կառավարություն: Բայց քանի որ ՀՅԴ-ի ու ՀՀԿ-ի միջև կա համագործակցության երկարաժամկետ հուշագիր, հավանաբար, նրանք կստեղծեն կոալիցիոն կառավարություն, կունենան հաջորդ ԱԺ-ում 61-ից 62 տոկոս տեղ՝ կազմելով կայուն մեծամասնություն»,- նշեց Վ. Հակոբյանը:
Քաղտեխնոլոգի խոսքով՝ «Ծառուկյան» դաշինքի ու «Ելք»-ի միջև դժվար թե ընդդիմադիր կոալիցիա կազմվի, որովհետև այս երկու ուժերը տարբեր մոտեցումներ ու նպատակներ ունեն:
Վիգեն Հակոբյանի կարծիքով՝ փոքր սենսացիա կարելի է համարել այն, որ խորհրդարան չանցավ «Հայկական վերածնունդ»-ը, որը իշխանամետ ուժ էր համարվում, բայց երբեմն տանում էր ընդդիմադիր գործունեություն:
Քաղտեխնոլոգը, սակայն, ասաց, որ Հայաստանում մեծ մասը գոհ է, որ ՀՎԿ-ն ԱԺ չի անցել:
ՀՀԿ-ի վերաբերյալ, Վիգեն Հակոբյանն ասաց, որ վարչապետ Կարեն Կարապետյանը, ով տանում էր քարոզարշավը, բավական ժողովրդավարական ոճ ունի հանրության մեջ ու տանում էր արևմտյան երկներին հարիր քաղաքակիրթ քարոզարշավ: