Ռուսաստանն ու Հայաստանը կապված են շատ սերտ կապերով ՝ մարդկային, տնտեսական. մեր հարաբերություններն այլընտրանք չունեն։ Այս մասին Եվրասիական փորձագիտական ակումբի կողմից կազմակերպված “Ռուսաստանի ռազմավարական դաշնակցի կերպարը ժամանակակից հայկական հասարակությունում” կոնֆերանսի ժամանակ հայտարարել է Հայաստանում Ռուսաստանի դեսպան Սերգեյ Կոպիրկինը։
“Մեզ շատ բան է միավորում։ Եվ դա չպետք է մոռանալ հատկապես հիմա ՝ այս դժվարին ժամանակներում, Հայաստանի կյանքի ու զարգացման շատ բարդ փուլում։ Այն փորձությունները, որոնցով անցնում է հայ ժողովուրդը, լիովին ցուցադրում են մեր դաշնակցային հարաբերությունների որակը”,- վստահեցրել է դիվանագետը։
Նրա խոսքով, միակ երկիրը, որը Հայաստանին գործնական օգնություն է ցուցաբերել եւ ցուցաբերում այդ կրիտիկական իրավիճակում` Ռուսաստանն է: Նա նաեւ ընդգծել է, որ ձեռնարկվել են եւ այժմ էլ մեծ ջանքեր են գործադրվում Ղարաբաղը խաղաղ կյանքի վերադարձնելու եւ նրա հետագա զարգացումն ապահովելու համար:
“Մենք մեծ նշանակություն ենք տալիս, որպեսզի Հայաստանի բնակչությունը ավելի արագ հաղթահարի պատերազմի հասցրած սթրեսը”, — հավաստիացրել է դիվանագետը:
Դրա համար, ըստ նրա, լուրջ քայլեր են ձեռնարկվում երկկողմ հարաբերությունների խորացման ուղղությամբ, սկսվել է եռակողմ ձևաչափով աշխատանք, անվտանգության ապահովման գործում կարևոր դեր է խաղում նաև ռուսական ռազմակայանը:
“Ռուսաստանը նաեւ ակտիվ ջանքեր է գործադրում Սյունիքում իրավիճակը կարգավորելու համար։ Այս բոլոր ասպեկտները ցուցադրական են մեր մոտեցումը դաշնակցային հարցերում”,- ասել է դիվանագետը։
