«Եվրասիական տնտեսական միությանը մեծ ուշադրություն են դարձնում այնպիսի մեծ երկրներ, ինչպիսիք են Իրանն ու Հնդկաստանը, Կուբան և այլն։ Տարիների ընթացքում այն ապացուցել է իր կենսունակությունը՝ Ռուսաստանի նման երկրի ղեկավարությամբ»,- այս մասին այսօր հայտարարեց Հայաստանում Բելառուսի դեսպան Ալեքսանդր Կոնյուկը՝ Եվրասիական փորձագիտական ակումբի յոթերորդ տարեկան հանդիպման՝ «ԵԱՏՄ-ին Հայաստանի անդամակցության յոթ տարիները. Եվրասիական ինտեգրումը երեկ, այսօր, վաղը» համաժողովի ժամանակ։
Նա ընդգծեց, որ ԵԱՏՄ-ն բախտորոշ է դարձել Բելառուսի համար. «Բելառուսում մենք հիբրիդային պատերազմ ունենք, և ոմանք ասում են, որ այն կարող է վերածվել իսկական պատերազմի։ Բայց չնայած մեր երկրի դեմ պատժամիջոցներին, մենք կարողացանք ավելացնել արտահանումը, այդ թվում՝ ԵԱՏՄ-ի շնորհիվ։ Մեր գյուղատնտեսությունը ժամանակ չունի արտադրելու միս և կաթնամթերք, այսօր մենք մի քանի հարյուր ավտոբուս ենք ուղարկել Լենինգրադ… այն ինձ համար միշտ Լենինգրադ կմնա»,- ասաց դեսպանը։ Դեսպանի պնդմամբ՝ առանց ԵԱՏՄ-ին անդամակցելու շատ դժվար կլիներ այնպիսի փոքր երկրների համար, ինչպիսին Հայաստանն ու Բելառուսն են։
«Մենք չենք կարողանա ապրել առանց Եվրասիական տնտեսական միության, նրանք մեզ ուղղակի հերթով կկործանեն, սա փաստ է։ Երեկ նախագահ Ալեքսանդր Լուկաշենկոն ասել է. «Ռուսաստանի և Բելառուսի միությունն ավելի ամուր է լինելու, քան Եվրամիությունը»։ Դրանով ամեն ինչ ասված է, այդպես էլ կլինի»,- ամփոփեց դեսպանը
Նշենք, որ համաժողովը կազմակերպել են «Ինտեգրացիա և զարգացում» հետազոտական և վերլուծական հասարակական կազմակերպությունը և Եվրասիական փորձագիտական ակումբը։
Մանրամասները՝ տեսանյութում.
Նելլի ԳՐԻԳՈՐՅԱՆ
